Звонок от звезды 320х50

Җир өстенә килә Яңа ел!



язманың каралуы: 1 354

Ерактан суык яклардан
Боз чанага утырып
Бәйрәмгә килде кыш бабай.
Күчтәнәчләр тутырып.
Кулларында боз таягы
Сакалы җиргә тигән.
Ә янында сылу бер кыз,
Энҗе кардан киенгән.
Сылу кызын, энҗе кызын,
Ул синең куанычың.
Бергә йөри, синнән калмый
Бәләкәй юанычың.
Балаларга, Яңа елда
Күчтәнәчләр тарата.
Биеп, жырлап. көлдерә дә.
Куандырып калдыра.

*************

Әкрен генә, ләкин котылгысыз,
Якынайтып гомер көземне,
Тормыш агачыннан талгын гына
Тагын бер ел төште өзелеп.
Барыр юлларымны кыскартса да,
Рәхмәтлемен үтеп барган елга.
Хәсрәт-сагыш минем юлдаш инде!
Шатлыгы да булган икән мулдан.
Тән сәламәт, җаннар тыныч булса,
Исән-имин булса якыннар,
Күңел күгең аяз, якты икән,
Шуннан зуррак нинди бәхет бар?
Авыр чаклар булды – яшермимен,
Сабырлык та бирдең, көчен дә.
Илһам тапты каләм-сердәшем дә,
Рәхмәт сиңа шуның өчен дә.
Аермадың иске дусларымнан,
Өстәп тордың яңа дуслар да.
Югалтулар табышларга илтте,
Моң-сагыштан күңел тулса да.
Миннән сиңа хәер-фатиха,
Сау бул инде, сау бул, иске ел.
Бәрәкәтең, хәерләрең белән,
Аяк басчы җиргә, Яңа ел!

*********************

Яңа еллар килсен бәхет алып,
Яңа еллар килсен елмаеп.
Күңелләрдә мәңге шатлык булсын,
Яшәмәгез, дуслар, моңаеп.
Яңа ел котлы булсын,
Дөньялар тыныч торсын,
Бәбиләр туып торсын,
Табыннар тулып торсын!

************************

Яңа ел да килеп җитте,
Иске ел бара үтеп.
Алда безне арба таккан,
«Толпар» ат тора көтеп.

Елан елы үзе белән
Авырлыкларны кусын.
Киләсе ел ташып торган
Куанычка бай булсын.

Яңа биналар салынсын,
Алга китсен тормышлар.
Шатлыклы, имин язларны
Алып кайтсыннар кошлар.

Чынга ашсын бар хыяллар,
Йортлар балкып торсыннар.
Исәнлектә гомер итик,
Күп сабыйлар тусыннар.

Сау кешеләр авырмасын,
Авырганнар терелсен.
Алдагы ел илахи бер
Мизгеләргә күмелсен.

Ат елында тырыш хезмәт,
Бизәр ул табыннарны.
Киләчәккә ак юл теләп,
Котлыйм дус-туганнарны.

Сәламәтлек юлдаш булсын,
Безгә яңа елларда.
Мулдан уңсын уңыш көзен,
Бай булсын җәй яңгырга.

Яңа еллар барчабызга
Изге теләк тарата.
Сизәм уңыш мул булачак,
Ат бит салам ярата.

Бизәлгән яшел чыршының,
Очында яна йолдыз.
Уңышлы бирсен «ЕГЭ» ны,
Мәктәптә һәр егет-кыз.

Читләп узмасын бәрәкәт,
Безнең район читләрен.
Кайгысыз ел теләп ябам,
Календарьның битләрен!

**********************

Бар җиһанны иңләп,
Аклык-сафлык өстәп,
Килә бит ул, килә Яңа ел.
Җанга шатлык тулсын,
Тулсын, уңнан булсын,
Бәхетләргә илткән безнең юл…

***********************

Гөмер буйлап син атла
Дусларыңны онытма,
Борыныңны өшетмә
Исән сау бул, авыртма.

*****************

Бэйрэм булсын мобарэк,
Табын булсын тугэрэк!
Бугендэй бэйрэмнэрне
Гел каршылыйк бергэлэп!

Категория: Яңа ел белән!  Меткалар:
Вы можете следить за комментариями с помощью RSS 2.0-ленты. Вы можете оставить комментарий, или Трекбэк с вашего сайта.
Оставить комментарий

XHTML: Вы можете использовать следующие теги: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Перед отправкой формы:
Human test by Not Captcha

  • СЫНАП КАРА!

  • САЙТ БИТЛӘРЕ!

  • Сатып ал!

  • АВИАБИЛЕТЛАР!

  • ГОСТИНИЦАДА УРЫН!

  • КУРС ЭШЛӘРЕ ЗАКАЗГА!

  • ОНЛАЙН РАДИО!